olei per ligna, & marmora, sine ulla reali compenetratione punctorum. In massis
crassioribus, & minori celeritate præditis vires repulsivæ motum ulteriorem plerumque
impediunt sine ullo impactu, & sensibilem etiam illam, ac apparentem
compenetrationem excludunt: in tenuissimis, & celerrimis, ut in luminis radiis per
homogeneas substantias, vel per alios radios propagatis, evitatur per celeritatem ipsam,
actionum exigua inæqualitas, ex circumjacentium punctorum inæquali distantia orta, ac
liberrimus habetur progressus in omnes plagas sine ullo occursus periculo, quod
summam, & unicam difficultatem propagationis luminis per substantiam emissam, &
progredientem, penitus amovet. Sed de his jam satis.
