exhibetur per curvam quandam continuam hinc, & inde æque inflexam circa suum
axem, & inde reliqua omnia, quæ ad vices, & earum consectaria pertinent,
luculentissime explicantur.
498. Porro hinc & illud patet, qui fieri possit, ut e radiis homogeneis ad eandem
superficiem advenientibus alii transmittantur, & alii reflectantur, prout nimirum
advenerint in altera e binis dispositionibus: & quoniam non omnes, qui cum altera ex
extremis illis dispositionibus adveniunt, adve-
[232]
-niunt prorsus in media dispositione,
fieri utique poterit, ut ratio reflexorum ad transmissos sit admodum diversa in diversis
circumstantiis, nimirum diversi mediorum discriminis, vel diversæ inclinationis in
accessu: ubi enim inæqualitas virium est minor, vel major perpendicularis velocitas per
illam extinguenda ad habendam reflexionem, non reflectentur, nisi illæ particulæ, quæ
advenerint in dispositione illi mediæ quamproxima, adeoque multo pauciores quam ubi
vel inæqualitas virium est major, vel velocitas perpendicularis est minor, unde fiet, ut
quemadmodum experimur, quo minus est mediorum discrimen, vel major incidentiæ
angulus, eo minor radiorum copia reflectetur: ubi & illud notandum maxime, quod ubi
in continue flexo curvaturæ viæ particulæ cujusvis, quæ via jam in alteram plagam est
cava, jam in alteram, prout prævalent attractiones densioris medii, vel repulsiones,
devenitur identidem ad positionem fere parallelam superficiei dirimenti media,
velocitate perpendiculari fere extincta, exiguum discrimen virium potest determinare
parallelismum ipsum, sive illius perpendicularis velocitatis extinctionem totalem:
quanquam eo veluti anfractu superato, ubi demum reditur ad planum citerius in
reflexione, vel ulterius in refractione, summa omnium actionum quæ determinat
velocitatem perpendicularem totalem, debeat esse ad sensum eadem, nimirum nihil
mutata ad sensum ab exigua illa differentia virium, quam peperit exiguum dispositionis
discrimen a media dispositione.
499. Atque hoc pacto satis luculenter jam explicatum est discrimen inter binas vices, sed
superest exponendum, unde discrimen intervalli vicium, quod proposuimus num. 472.
Quod diversi colorati radii diversa habeant intervalla, nil mirum est: nam & diversæ
velocitates diversa requirunt intervalla spatii inter vices oppositas, quando etiam eæ
vices redeant æqualibus temporis intervallis, & diversus particularum heterogenearum
textus requirit diversa oscillationum tempora. Quod in diversis mediis particulæ
ejusdem generis habeant diversa intervalla, itidem facile colligitur ex diversa velocitate,
quam in iis haberi post refractionem ostendimus num. 493; sed præterea in ipsa
mediorum mutatione inæqualis actio inter puncta particulam componentia potest utique,
& vero videtur etiam debere oscillationis magnitudinem, & fortasse etiam ordinem
mutare, adeoque celeritatem oscillationis ipsius. Demum ejusmodi mutatio pro diversa
inclinatione viæ particulæ advenientis ad superficiem, diversa utique esse debet, ob
diversam positionem motuum punctorum ad superficiem ipsam, & ad massam agentem
in ipsa puncta. Quamobrem patet, eas omnes tres causas debere discrimen aliquod
exhibere inter diversa intervalla, uti reapse ex observatione colligitur.
500. Si possemus nosse peculiares constitutiones particula-
[233]
-rum ad diversos
coloratos radios pertinentium, ordinem, & numerum, ac vires, & velocitates punctorum
singulorum; tum mediorum constitutionem suam in singulis, ac satis Geometriæ, satis
imaginationis haberemus, & mentis ad omnia ejusmodi solvenda problemata; liceret a
priori determinare intervallorum longitudines varias, & eorundem mutationes pro tribus
illis diversis circumstantiis exhibere. Sed quoniam longe citra eum locum consistimus
debemus illas tantummodo colligere per observationes, quod summa dexteritate
Unde discrimen
rationis luminis
reflexi ad
transmissum.
Unde discrimen in
intervallis vicium.
Discrimen id non
posse definiri, nisi
per observationes:
non pendere a
sola velocitate.
