348. Addam nonnulla tantummodo, quæ generaliter pertinent ad pressionem,
& velocitatem fluidorum. Tendant directione quacunque AB puncta disposita
in eadem recta in fig. 66 vi quadam externa respectu systematis eorum
punctorum, cujus actionem mutuis viribus elidant ea puncta, & sint in
æquilibrio. Inter primum punctum A, & secundum ipsi proximum debebit
esse vis repulsiva, quæ æquetur vi externæ puncti A. Quare urgebitur
punctum secundum hac vi repulsiva, & præterea vi externa sua. Hinc vis
repulsiva inter secundum, & tertium punctum debebit æquari vi huic utrique,
adeoque erit æqualis summæ virium externarum puncti primi, & secundi.
Adjecta igitur sua vi externa tendet deorsum cum vi æquali summæ virium
externarum omnium trium; & ita porro progrediendo usque ad B, quodvis
punctum urgebitur deorsum vi æquali summæ virium externarum omnium
superiorum punctorum.
349. Quod si non in directum disposita sint, sed utcunque dispersa per
parallelepipedum, cujus basim perpendicularem directioni vis externæ exprimat recta
FH in fig. 67, & FEGH faciem ipsi
parallelam; adhuc facile demonstrari potest
componendo, vel resolvendo vires; sed & per
se patet, vires repulsivas, quas debebit ipsa
basis exercere in particulas sibi propinquas,
& ad quas vis ejus mutua pertinebit, fore
æquales summæ omnium superiorum virium
externarum; atque id erit commune tam
solidis, quam fluidis. At quoniam in fluidis
particulæ possunt ferri directione quacunque,
quod unde proveniat, videbimus in tertia
parte; quævis particula, ut ibidem videbimus,
in omnem plagam urgebitur viribus
æqualibus, & urgebit sibi proximas, quæ
pressionem in alias propagabunt ita, ut, quæ
sint in eodem plano LI, parallelo FH, in cujus
directione
[160]
nulla vis externa agit, vires
ubique eædem sint. Quamobrem quævis
particula sita ubicunque in ea recta in N,
habebit eandem vim tam versus planum EF, quam versus planum EG, & versus FH,
quam habet particula collocata in eadem linea in MK etiam, ubi addantur parietes AM,
CK paralleli FE, cum planis LM, KI, parallelis FH, nimirum vi, quæ respondet altitudini
MA: ac particula sita in O prope basim FH urgebitur, ut quaquaversum, ita & versus
ipsam, iisdem viribus, quibus particula sita in BD sub AC. Ipsam urgebunt particulæ in
eodem plano horizontali jacentes, & accedet ad omnes fluidi, & baseos particulas, donec
vi contraria elidatur vis ejus tota ab ejusmodi pressione derivata. Quamobrem basis FH
a fluido tanto minore FLMACKIH sentiet pressionem, quam sentiret a toto fluido
FEGH: superficies autem LM sentiet a particulis N vim æqualem vi massæ LEAM,
accedentibus ad ipsam particulis, donec vis mutua repulsiva ei vi æquetur.
350. Hinc autem patet, cur in fluidis nostris gravitate præditis basis FH sentiat
pressionem tanto majorem massæ fluidæ incumbentis pondere, & cur pondere perquam
exiguo fluidi AMKC elevetur pondus collocatum supra LM etiam immane, ubi
Pressio fluidorum
si puncta sint in
recta verticali.
Eadem punctis
utcunque
dispersis, & cum
omnibus
directionibus
agens.
Inde, cur exiguo
fluidi pondere
fieri possit ingens
pressio.
