Page 13 - Franciscus Patricius: Zoroaster et eius CCCXX oracula Chaldaica

108

sius Pici commentaria in ea ipsa, et oracula, et libros. Quae Ficinus

scribit in obitu eius inter scriptorum suorum reliquias, a se reper-

ta esse: sed ita exarata, ut vix ab eo ipso legi possent Pico. Quae

malum, pessum ierunt cum concordia ab eo scripta Aristotelis

cum Platone: Equidem maximam fecit haec Chaldaica Theologia

iacturam, in iactura XL. librorum Amelii. In quibus rationi valde

consonum est, quo facilius Zostriam librum falsitatis coargueret,

eum saepe vera Zoroastri dogmata, et oracula protulisse. Non

minor forte iactura alia fuit, quatuor Porphyrii librorum quos, ut

refert Suidas, scripserat in historiam Iuliani Chaldei philosophi,

eius nimirum qui ea oracula in Graecum sermonem verterat. Sed

ingens profecto naufragium passa est philosophica Respublica in

ammissione commentariorum eius auditoris Iamblichi, quorum

XXVIII. librum Damascius bis citat sub titulo, Chaldaicae per-

fectissimae Theologiae, semel, et iterum, ὡς ἐν τοῖς Χαλδαικοῖς,

ὁμολογούμενος ὁ Ἰάμβλιχος. Sicuti in Chaldaicis fatetur Iam-

blichus. Sed et huius discipulus, Syrianus; cognomento Magnus

testante Suida libros X. scripsit in Logia, hoc est oracula Zoroa-

stri forte omnia. Sed proh nefas maximum. ea scripta et thesauri

periere omnia: et ex tanto naufragio, vix superfuerunt sexaginta

tantum oracula vere divina. Quae quinquagesimo ab hinc anno

Parisiis a Lodoico Tiletano fuere Graece impressa sub titulo.

Μαγικὰ, λόγια, τῶν ἀπὸ τοῦ Ζωροάστρου μάγων.

Magica oracula eorum, qui a Zoroastre sunt Magorum cum

Graecis commentariis, quae reperi postea esse Plethonis Gemisti.

Quemquidempauxillumnumerum, auximus nos non poenitenda

additione, usque ad CCCXXIIII. magno labore a nobis conquisita

in Platonicorum philosophorum quae superfuerunt scriptis, Pro-

cli, Hermiae, Simplicii, Damascii Synesii, Olympiodori, Nicepho-

ri Gregorae Synesii commentatoris, et non nihil etiam in Arnobio

reperimus. Cum eorum singulorum aliquibus expositionibus, et

argumentis Chaldaicae philosophiae. Quae omnia in unum col-

lecta, et in ordines quosdam distributa, quae sparsa invenimus

ad communem philosophiae sincerioris studiosorum, et latina

fecimus, et in publicum libentes damus. Sed antequam ulterius

progrediamur, non est negligenter dispiciendum, an Logia haec,

uti inscriptio praetulit sint magica, et quo sensu Magica. Id autem