Page 18 - Franciscus Patricius: Zoroaster et eius CCCXX oracula Chaldaica

118

vero ea est, quae cibis potuque philtra, resque amatorias fingit

procurare, qualem narrat se expertum Lucianus, et Apuleius. et

qualem in multo usu apud Thessalas mulieres fuisse scribunt.

Finxit etiam medicinas quasdam ad morbos varii generis depel-

lendos se novisse. Ita evenit, eos qui, cum mali essent, sub bono

nomine sibi voluerunt credi, non goitas, quod nomen est a dolore,

sed Magos quod est a pia sapientia se appellari maluisse. Fatear

quoque multos, qui vere Goites essent, uti Magi viderentur, ex

bona Magia desumpsisse aliqua, ut eo praetextu credulum vul-

gus ad se, quaestus gratia traherent. Huiusmodi fere sunt aliqua

apud Eusebium, ac Gregoram, quae ipsi ex Hecates oraculo se

desumpsisse affirmant. Quae daemonum sunt quaedam evoca-

tiones et praestigia: Quae impia, noluimus cum piis hisce com-

miscere.

Verum ad oracula Zoroastri redeuntes, operae fuerit prae-

cium, antequam ea vel proponamus, vel exponamus, quaedam

veluti prolegomena eorum praenotare, ut nimirum facilius eo-

rum sensa intelligamus. Sunto autem haec prima, quae scripta

sunt a Proclo in prooemio comentariorum suorum in Platonis

Parmenidem.

Ἡ δὲ τῶν ἱερατικῶν ὀνομάτων θεῶν κατὰ τὴν ἑαυτῶν

μυστικὴν ἑρμηνείαν ἐκδεδωκότων, οἷα τὰ τοῖς Ἀσσυρίοις

ὑμνημένα, Ζῶναι καὶ Ἄζωνοι, καὶ Πηγαὶ καὶ Ἀμείλικτοι καὶ

Συνοχεῖς, δι’ ὧν ἐκεῖνοι τὰς τάξεις ἑρμηνεύουσι τῶν θεῶν.

»Sacrorum vero nominum, Deorum, secundum eorum my-

sticam interpretationem, traditorum. Ut ea quae ab Assyriis cele-

brantur, Zonae, et Azoni. et Fontes, et Amilicti, et Synoches. Per

quae illi ordines Deorum interpretantur.«

Similia his Psellus postea tradidit, utinam sicuti prolixius, ita

et diligentius. sed qualiacumque sint, non inutilia cognitu fue-

rint. Sunt autem haec verbis suis.