quadratorum velocitatum præcedentium ducta in massas. Sed hæc æqualitas nec habetur
in mollibus, nec in imperfecte elasticis.
276. Veniendo jam ad congressus obliquos, deveniant dato tempore bini globi A, C in
fig. 42 per rectas quascunque AB, CD, quæ illorum velocitates metiantur, in B, & D ad
physicum contactum, in quo jam sensibilem effectum edunt vires mutuæ. Communi
methodo collisionis effectus sic
definitur. Junctis eorum centris
per rectam BD, ducantur, ad
eam productam, qua opus est,
perpendicula AF, CH, &
completis rectangulis AFBE,
CHDG resolvantur singuli
motus AB, CD in binos; ille
quidem in AF, AE, sive EB,
FB, hic vero in CH, CG, sive
GD, HD. Primus utrobique
manet illæsus; secundus FB, &
HD collisionem facit directam.
Inveniantur per legem
collisionis directæ velocitates
BI, DK, quæ juxta ejusmodi
leges superius expositas haberentur post collisionem diversæ pro diversis corporum
speciebus, & componantur cum velocitatibus expositis per rectas BL, DQ jacentes in
directum cum EB, GD, & illis æquales. His peractis expriment BM, DP celeritates, ac
directiones motuum post collisionem.
277. Hoc pacto consideratur resolutio motuum, ut vera quædam resolutio in duos,
quorum alter illæsus perseveret, alter mutationem patiatur, ac in casu, quem figura
exprimit, extinguatur penitus, tum iterum alius producatur. At sine ulla vera resolutione
res vere accidit hoc pacto. Mutua vis, quæ agit in globos B, D, dat illis toto collisionis
tempore velocitates contrarias BN, DS æquales in casu, quem figura exprimit, binis illis,
quarum altera vulgo concipitur ut elisa, altera ut renascens. Eæ compositæ cum BO, DR
jacentibus in directum cum AB, CD, & æqualibus iis ipsis, adeoque exprimentibus
effectus integros præcedentium velocitatum, exhibent illas ipsas velocitates BM, DP.
Facile enim patet, fore LO æqualem AE, sive FB, adeoque MO æqualem NB, & BNMO
fore parallelogrammum; ac eadem demonstratione est itidem parallelogrammum DRPS.
Quamobrem nulla ibi est vera resolutio, sed sola compositio motuum, perseverante
nimirum velocitate priore per vim inertiæ, & ea composita cum nova velocitate, quam
generant vires, quæ agunt in collisione.
278. Idem etiam mihi accidit, ubi
oblique globus incurrit in planum,
sive consideretur motus, qui haberi
debet deinde, sive percussionis
obliquæ energia respectu
perpendicularis. Deveniat in fig. 43
globus A cum directione obliqua AB
ad planum
[132]
CD consideratum
ut immobile, quod contingat physice
Collisionis
obliquæ
communis
methodus per
virium
resolutionem.
Compositio
virium resolutioni
substituta.
Compositio
resolutioni
substituta etiam
ubi globus incurrit
in planum
immobile.
