AE, vires BO, AF, vel cum repulsionibus BR, AI, vires BQ, AH, ac tam priores binæ,
quam posteriores, jacent ad eandem partem lateris AB, & vel ambæ ingrediuntur
triangulum tendentes versus ipsum, vel ambæ extra ipsum etiam productæ abeunt, &
tendunt ad partes oppositas directionis C
e
respectu AB. Secundæ CZ debent respondere
repulsiones BT, AL, quæ cum repulsionibus BR, AI, constituunt BS, AK, cum
attractionibus BN, AE constituunt BM, AD, ac tam priores binæ, quam posteriores
jacent ad eandem plagam respectu AB, & ambarum
[144]
directiones vel productæ ex
parte posteriore ingrediuntur triangulum, sed tendunt ad partes ipsi contrarias, ut CZ, vel
extra triangulum utrinque abeunt ad partes oppositas directioni CZ respectu AB. Quod
si habeatur CX, quam exponunt CV, CY, tum illi respondent BP, & AL, ac si prima
conjungitur cum BN, jam habetur BO ingrediens triangulum; si BR, tum habetur
quidem BQ, cadens etiam ipsa extra triangulum, ut cadit ipsa CX; sed secunda AL
jungetur cum AI, & habebitur AK, quæ producta ad partes A ingredietur triangulum.
Eodem autem argumento cum vi C
b
vel conjungitur AF ingrediens triangulum, vel BS,
quæ producta ad B triangulum itidem ingreditur. Quamobrem semper aliqua ingreditur,
& tum de reliquis binis redeunt, quæ dicta sunt in casu virium C
e
, CZ.
309. Habetur igitur hoc theorema.
Quando tres massæ in se invicem agunt viribus
directis ad centra gravitatis, vis composita saltem unius habet directionem, quæ saltem
producta ad partes oppositas secat angulum internum trianguli, & ipsum ingreditur:
reliquæ autem duæ vel simul ingrediuntur, vel simul evitant, & semper diriguntur ad
eandem plagam respectu lateris jungentis earum duarum massarum centra; ac in primo
casu vel omnes tres tendunt ad interiora trianguli jacendo in angulis internis, vel omnes
tres ad exteriora in partes triangulo oppositas jacendo in angulis ad verticem oppositis;
in secundo vero casu respectu lateris jungentis eas binas massas tendunt in plagas
oppositas ei, in quam tendit vis illa prioris massæ.
Theorema
pertinens ad
directiones
virium.
