etiam terram, et aerem, lumen suum porrigit cur non idem reliqua astra faciant, propriis
lucentia lucibus, nullum ibi corpus alienum, nulla ratio vera vetat ratio, cum præsertim Sole
ipso non sint multo minora, et nulla re impediente. Quot ergo sunt stellæ in æthere, tot
sunt etiam lumina ab eis effusa, quæ se se invicem non aliter quam apud nos plurium
candelarum lumina, et commista, et sæparata se se permeant, se ipsis universum æthera
replent. In lumine ergo, imo in luminibus, totus æther iacet, omnium scilicet astrorum, et
omnia astra, in luminibus etiam iacent, tum propriis, tum reliquorum omnium alienis, tum
etiam in lumine totius ætheris proprio. Nihil enim aliud ætheris substantia esse potest quam
purum lumen. Quod dogma Chaldæorum sapientum antea fuit. Ergo universus corporeus
mundus, et intus in lumine iacet, et extra.
FINIS SEPTIMI LIBRI.
