ILLUSTR.
MO
ATQUE REVER.
MO
AUGUASTINO VALERIO
S. R. E. CARDINALI
AMPLISSIMO.
Inde usque a Lazari Bonamici tempore, Patavii eloquentiam, magno cum honore, publice
profitensis, Augustine Valeri, te novi. Nam eloquentiæ studiosis cum esses, cum eo
familiarissime versabaris. Ei perpetuus eras assecla. Philosophiæ etiam, sed politio
re methodo quam cæteri, operam dabas. Profectus magnos in utraque faciebas. Ego et studia
tua, et profectus demirabar. In amicitiam tuam me insinuavi. A Bonamici obitu, in patriam
redisti. Bernardus Naugerius affinis tuus, vir doctissimus et maximis in Republica honoribus
evehi cepisti. Inter eos, me non dedignasti. Scriptorum tuorum, qua in scribendo florebas
eloquentia, aliquid mecum communicabas. Ea non poteram, magnopere non laudare. Inter
eos honores, ad Veronensem Episcopatum et sublatus. In eo regendo, ad
populum concionando, verbum Dei explicando, vitæ innocentissimæ exemplis, atque opibus,
singulos iuvando: scriptis publicatis, Religioni Catholicæ opitulando, quantum promerueris,
satis indicat tua a Gregorio XIII in R. R. E. Cardinalatum evectio. Veronæ in episcupatu
honoris gratia, alioquoties te adii. Cardinalem, cum Romam Ferraria transires, bis te invisi, bis
sum veneratus. Memor tu, veteris meæ erga te observantiæ perhumaniter me excepisti. Modo
cum Romæ resideas, quo te honore prosequar? Eo nimirum, qui a me proficisci queat,
omnium maximo. Dicatione, scilicet consecrationeque, contemplationum nostrarum, novæque
nostræ philosophiæ, partis non exiguæ. non, ni fallimur, contemnandæ. Librorum scilicet
octo, nostræ Pancosmiæ
primorum. In quibus, et principia corporei huius mundi sunt non
solum explicata, et disputata, verum etiam. Geometricis, ut remur necessitatibus demonstrata.
Et ipsius totius mundi, constitutio, et formatio exposita. Materies contemplationis quidem
sublimis et perarduæ, sed ingenio, sed doctrinæ, sed iudicio tuo, nullius difficultatis. Tu pro
tua singulari, et humanitate, et benignitate, hilari fronte, atque animo eos excipe. Si non meo
ullo erga te merito, saltem eorum merito non exiguo. Quod mundum hunc, contra pleorumque
philosophorum, etiam in Ecclesia philosophantium, dogmata, a Deo esse factum
atque creatum, rationibus demonstrant necessariis. Quæ res, sacrosanctis Catholicæ fidei
dogmatibus consona, cum sit, piis hominibus non profutura non potest videri, et impiorum
sensus, tum in hac re, tum in aliis perstringere, aptissima videri potest. Et multas ab eorum
animis impias opiniones evellandas accommodatissima. Hoc meæ erga te veteris, atque
eximiæ observantiæ, et venerationis testimonium, e corde, e mente, e mente profectum, habe,
et retine. Vale, mei memor, Ferraria.
Tui cultor eximius,
Franciscus Patricius.
