DISCUSSIONUM PERIPATETICARUM T. IV, L. VI
382
15
10
5
riam, ergo coelum est immutabile, si inferet, hanc consequentiam
negabo. Neque enim recte sequitur: ovum non mutat figuram:
ergo ovum est immutabile et immortale. Si presseris
viii
ovum, ca-
daver ovi fiet.
Nunc de coeli partibus. Nulla coeli pars mutata est, nec quic-
quam tale memoriae proditum est, ut omittamus lapidem, quem
Anaxagoras vir non amplius 75 annis Aristotele antiquior e caelo
casurum praedixit, ut cecidit tota cernente et stupescente Grae-
cia. Si proferam testimonia ex Chaldaeorum observationibus, ex
Aegyptiorum memoriis pervetustissimis, nonnullas stellas, ut
est apud Diodorum, quae antea conspiciebantur, videri desiisse,
multas mutasse loca, quam Hipparchus observavit desiisse luce-
re, ridebit, mendaces illos, nos fatuos appellabit, quod fidem illis,
non sibi praestemus.
Hac praerogativa utatur cum suis iuratis: nos rationibus do-
ceat validioribus quam iis, quas discussimus, quas ostendimus,
non solum non esse
ἀκριβεῖς ἀποδείξεις
, uti Simplicius, uti sui
omnes credunt ac contendunt, sed mollissimas esse ostendimus,
sed quod peius longe est, sophismata putida fuisse convicimus.
FINIS LIBRI SEXTI
viii
Corr. ex praesseris
