Page 38 - Matthias Flacius Illyricus: Paralipomena Dialectices

A.
expediens, expetibile, persequendum, accommodum,
desiderabile, conducibile, utile
C.
imperfectum, fugiendum, nocens, malum, dissidens,
poenitendum, inutile
B.
felicitas, bona constitutio iuxta naturam, propter quod
aliquod fit, perfectum, vita virtuosa
D.
motus, naturalis effectio, vita minime interpellenda,
appetibile natura, turba seumolestia vacans, expetibile
F.
morbus, labor, penuria, timor, motus praeter naturam
E.
sanitas, succesus, gloria, bona proles, vita virtuosa,
vita sine labore
Typum praecedentem veteres philosophi umbilicum
appelarunt, recentiores pontem asini. Illi, quod iudi-
cabant esse mirabile quoddam inventum, quo positis in
parva tabella cuiusvis sententiae terminorum circum­
stantibus vocibus, facile iudicari posset, quid de ea et
quomodo vel posset probari vel non posset. Ad haec et
mirificam quandam perfacilemque rationem contineret,
protinus inveniendi de quavis re, cuius modo sis peritus,
argumenta, eaque non ex trivio sumpta, sed ex ipsius
rei natura plerunque petita.
Sophistae porro novi ideo pontem asini nominarunt,
quod etiam imperitioribus minusque in argumentando
expeditis facilem ostendat rationem, de quavis proposi­
tione affirmativa, negativa, particulari et universali ar­
gumenta inveniendi.
69