Page 3 - Paulus Scalichius: Conclusiones de anima

342 Skalić, P., Teze o duši, Prilozi 61-62 (2005), str. 340-355
15. Homo per naturam corporis est sub fato, anima hominis per idolum in
fato naturam movet, per mentem supra fatum.
16. In providentiae ordine ratio sui iuris est.
17. Nulla forinseca aut intrinseca violentia facile animus potest perturbari.
18. Mens est immortalis et aeterna.
19. Quae anima unitur menti, illam dicimus stantem, et non cadentem.
20. Hanc ipsam mentem non omnes homines adipiscuntur.
21. Qui negligunt mentis experientiam, corporis sensibus mancipati, irratio–
nalibus animalibus facti similes sunt, et eundem cum eisdem sortiuntur
interitum.
22. Quae proportio munerum ad munera, et meritorum ad merita, eadem
est proportio praemiorum ad praemia.
23. Omnis nobilis anima quadruplicem habet operationem: unam divinam,
alteram intellectualem: rationalem item, et animalem.
24. Divinam operationem, per imaginem divinae proprietatis habet.
25. Intellectualem, per formalitatem participationis cum intelligentiis.
26. Rationalem, per ipsam perfectionem, propriae essentialitatis.
27. Animalem porro sive naturalem, per communionem ad corpus, sive ad
haec communiora.
28. Nullum opus est in tota mundi serie tam admirabile ac excellens, quam
humana anima, suam divinitatis imaginem complexa.
29. Anima ut spiritus est incorporea substantia, intellectualis, illuminationis
capax, ultima revelatione perceptiva.
30. Spiritus humanus inter omnes creaturas, immediate post angelos illumi–
nationis divinae est perceptivus.
31. Anima vero, in quantum anima, non est aliud quam substantia incorpo–
rea, regens corpus.
32. Anima autem definiti subiecti, est EV't€tJ:X€lU corporis physici organici,
potentia vitam habentis.
33. Anima ut spiritus, est similitudo omnium.
34. Anima descriptive, est deiforme spiraculum vitae.
35. Anima a fine, est spiritus intellectualis ad beatitudinem in se, et in cor–
pore ordinatus.
36. Anima est creata imperfecta quoad scientiam, perfectissima vero quoad
potentias naturales.
37. Numerus seipsum movens, EV't€AEX€lU, harmonia, spiritus tenuis, lux,
atomi, ignis, aer et terra, in anima discordare non possunt.