Page 13 - Paulus Scalichius: Conclusiones de anima

352 Skalić. P.. Teze o duši. Prilozi 61-62 (2005). str. 340-355
138. Liberum arbitrium est facultas rationis et voluntatis, qua eligitur bo–
num, gratia assistente: et malum, gratia desistente.
139. Libertas liberi arbitrii est libera a coactione sufficienti, sed non libera a
coactione efficienti.
140. Libertas liberi arbitrii, alia est naturae, alia gratiae, alia gloriae.
141. Liberum arbitrium est liberius in bonis, quam in malis.
142. Phantasma est agens secundarium et instrumentale in productione spe-
ciei intelligibilis.
143. Potentiae animae ab anima realiter distinguuntur.
144. Una est anima intellectiva in omnibus hominibus.
145. Quilibet motor coeli est anima sui orbis, faciens cum eo magis unum
substantialiter, quam fiat ex anima bovis et sua materia.
146. Non potest in anima esse notio intelligibilis, sine actuali intellectione.
147. Anima rationalis non utitur immediate corpore organico.
148. Aristoteles in lib. 3. de Anima, non tractat nisi de parte rationali.
149. Cum anima in se perfecte redit, tunc intellectus agens ab intellectu
possibili liberatur.
150. Anima irrationalis est idolum animae rationalis, ab eo dependens, sicut
lumen a sole.
151. In ratione similitudines rerum sunt, et species: in intellectu vero, ipsa
entia.
152. Anima habet apud se rerum species, et excitatur tantum ab extrinsecis
rebus.
153. Anima est fons motus, et gubernatrix materiae.
154. Omnis anima participans Vulcanio intellectu, seminatur in Lunam.
155. Tota substantia animae rationalis, est pars intellectualis.
156. Nihil inte11igit actu et distincte anima, nisi seipsam.
157. Anima se ipsam semper intelligit, et se intelligendo quodammodo om–
nia entia intelligit.
158. Nihil est in anima adea intrinsecum, per quod possit sine propria spe–
cie aliquid a se distinctum intelligere.
159. Intellectualis natura quae est in anima ration ali, supra naturam ra–
tionalem praecise differta a natura intellectuali pura, sicut differt pars
a toto.
160. Intellectus animalis, intellectuali totalitati magis parificatur.
161. Cuilibet seriei animarum correspondet unus intellectus.
162. Omnes animae coelestes in primo intellectu unum sunt.